تعبت.. والله تعبت
كلهم يسألوني " متى الانتخابات؟؟" و "ليش اتأجلت؟؟" .. ومهما قلت وذكرتلهم الأسباب، برضهم زعلانين
يا ناس والله مشغول!! حتى لو كنت اضحك والعب واتفرج فيلم واطلع بره.. ياخي والله وقتي ضيق، والله ما اسوي اللي اسويه الا عشان أرفه عن الهم اللي في قلبي..يعني مالي وقت لنفسي والا ايه؟؟
موادي هذي السنة قليلة.. وبالرغم من قلة عدد الساعات، لكن يا سبحان الله مشغول وأحس نفسي ما عندي وقتي
القانون الإلكتروني والأخلاق .. من اسهل المواد اللي عندي.. في البداية مشيت مع المادة طيب.. بس بعد رمضان بدأت اغيب واسوي حركات هبلة.. حتى اني ما سلمت التقييم اللي سويته قبل رمضان.. وغيبت ليا اسبوعين ما شفته وجه المدرس.. الله يعين الأسبوع دا لمن اقابله ايش يقول
أساس المحاسبة المالية... مادة رسبت فيها السيم الماضي، وهذا السيم معيدها، وكنت اتوقع اني حأسوي سكور جيد فيها.. بس الواقع خيب آمالي، المادة كده اتغيرت ، والمدرسة مطبقة من برة.. وماتعرف تشرح قد كده.. الله يعين والله.. يا شيخ ابغى انجح بأي شئ، اهم شئ ما ارسب
مشروع آخر السنة.. مادة اتورطت فيها وما ادري كيف جات معايا هذا السيم.. كل اسبوع يبغالي اقابل الدكتور واقله ايش سوينا الأسبوع دا من اعمال للمشروع.. طبعا ما يحتاج أقولكم عن الوقت اللي أخذه مني دا المادة... الله يعين بس وبأذن الله اخلص المشروع وارضي اللي يختبروني بعدين
الحساب العددي.. اصعب المواد دا السيم، واقربها ليا للرسوب.. يا رب بس يقبل دعائي ويخلصني من المادة دي بسلام
من جد السيم دا زفت كده وقرف.. واسباب القرف دا عديدة.. منها ان الجامعة صارت كده فاضية في نظري ومالها معنى.. الله يعنني بس على دا السيم ويعدي علي بسلام
0 comments:
Post a Comment